Bókaklúbbur Íslands
Sækja um aðild Bækur Gildi og stefna Reglur

Reglur Bókaklúbbs Íslands

1. Markmið klúbbsins

Bókaklúbbur Íslands hefur það markmið að efla lestraráhuga, skapa umræðuvettvang um bókmenntir og stuðla að góðum félagsskap á meðal bókaunnenda.

2. Skyldur meðlima

  1. Allir meðlimir skulu lesa þær bækur sem valdar eru hverju sinni.
  2. Ef meðlimur les ekki bókina án gildrar ástæðu getur honum verið vikið úr klúbbnum fyrirvaralaust.
  3. Meðlimir skulu hafa aðgang að Goodreads og gefa hverri lesinni bók einkunn eftir lestur.
  4. Meðlimir skulu horfa á Kiljuna vikulega á meðan þátturinn er í loftinu til að vera upplýstir um bókmenntalíf þjóðarinnar.
  5. Meðlimir skulu sýna virðingu og jákvæðni í umræðum og hvattir til að sitja alla umræðufundi.

3. Stjórn klúbbsins

  1. Stjórn Bókaklúbbs Íslands fer með allt ákvörðunarvald varðandi starfsemi klúbbsins, þar með talið:
    • Val á bókum
    • Rekstur og skipulag funda
    • Ákvarðanir um undirklúbba (t.d. matarklúbb eða kvikmyndaklúbb)
  2. Nýir stjórnarmenn fara aftast í röðina við val á bókum.
  3. Stjórnin skal gæta jafnræðis og fjölbreytni við val á lesefni.
  4. Stjórnarmeðlimir skulu sitja stjórnarfundi og geta sætt við refsingu ef þeir mæta ekki á setta fundi.

4. Val á bókum

  1. Stjórn klúbbsins ákveður hvaða bækur eru lesnar.
  2. Sjálfshjálparbækur og trúarrit eru ekki leyfð innan klúbbsins.
  3. Mælt er með fjölbreyttu bókavali, bæði íslenskum og erlendum höfundum af öllum kynjum, mismunandi bókmenntagreinum og bækur með menningarlegt gildi

5. Notkun gervigreindar

  1. Öll notkun gervigreindar (AI) í tengslum við störf klúbbsins er stranglega bönnuð, þar með talið:
    • Samantektir, greiningar eða bókadómar sem unnir eru með aðstoð gervigreindar.
  2. Sá sem verður uppvís að slíkri notkun skal vera vikið umsvifalaust úr klúbbnum.

6. Meðlimaskrá og úrsagnir

  1. Meðlimir skuldbinda sig til virkrar þátttöku í starfi klúbbsins.
  2. Ekki er heimilt að segja sig úr klúbbnum nema mjög gildar ástæður liggi fyrir.
  3. Brottfall eða brot á reglum getur leitt til:
    • Áminningar
    • Tímabundins þátttökubanns (t.d. ekki leyfi til að lesa næstu bók)
    • Brottvísunar úr klúbbnum.

7. Viðaukar og breytingar

  1. Breytingar á reglum skulu samþykktar af stjórn klúbbsins með einföldum meirihluta.
  2. Nýjar reglur eða viðbætur skulu kynntar öllum meðlimum fyrir gildistöku.